Türkiyədə tanınmış jurnalist-yazar Əhməd Altan və onun qardaşı, professor Mehmet Altan polis tərəfindən saxlanılıb.
“Müstəqil Jurnalistika Platforması” adlı qurum qardaşların hərbi çevriliş cəhdindən əvvəl bir TV proqramındakı çıxışları ilə əlaqədar bu gün səhər İstanbulda saxlanıldıqlarını bildirib.
Ə. Altan və M. Altanın daha əvvəl həbs olunmuş digər tanınmış jurnalist Nazlı Ilıcakla bərabər “Can Erzincan” adlı TV kanalındakı sözləri səbəbi ilə istintaq orqanı tərəfindən dindiriləcəyi deyilir.
