Putinlə Makron birləşib Qarabağda nə edə bilər…

0
372
 

Kreml Fransadakı prezident seçkilərinin nəticələrindən və iki rusofil namizədin-Fransua Fiyonun və le Penin məğlubiyyətindən məyusdur. Lakin beynəlxalq təhlükəsizlik naminə seçkilərin qalibi, praqmatik siyasətçi Emmanuel Makronla işləməyə borcludur.

Bunu “Le Huffington Post” nəşri yazır.

Məqalədə deyilir ki, Putinin yaxın çevrəsindəki şəxslər Le Penin Kremlə dəvət edib alqışlamaqla necə ciddi səhvə yol verdiklərini dərk edirlər və öz seçimlərinə görə peşimandırlar. “Rusiya Makrona qarşı çıxmaqla səhvə yol verdi. Çünki o, “atlantizm” ideologiyasının qatı tərəfdarı deyil, realistdir. Rusiyanın beynəlxalq arenadakı əhəmiyyətini başa düşür. Beləliklə, Putinin Makronla barışması tamamilə mümkündür”-nəşrin analitik məqaləsində deyilir.

Lakin bunun üçün Moskva soyuq müharibə ritorkasından çıxmalıdır, hansı ki, Rusiyada hakimiyyətə yaxın olan bəzi patriotlar Fransanı səngərin o tərəfində görür. Kremldə bir çoxları Qərbi vahid düşmən obrazında görür. Nəşr yazır ki, siyasi iradə nümayiş etdirilsə Moskva və Paris yaxın perspektivlərdə “həddən artıq aqressiv” Tramp administrasiyasına qarşı birgə fəaliyyət göstərə, İŞİD-ə qarşı ortaq mübarizə apara və Qarabağ münaqişəsinin nizamlanması üçün təşəbbüs göstərə bilərlər.

“Fransa Ermənistanla Azərbayan arasında etibarlı diplomatik prosesin işə salınması üçün zəruri diplomatik kapitala malikdir. Əlbətdə, Rusiyanın iştirakı olmadan bu məsələdə heç nə alınmayacaq, münaqişənin həlli naminə birgə fəaliyyət isə bizim ölkələrimiz arasında münasibətlrin möhkəmlənməsi üçün mühüm zəmin yaradardı”-məqalədə deyilir.

Amerika Xarici Əlaqələr  Şurasının analitiki Stefan Blank isə “Amerikanın səsi”inə açıqlamasında ABŞ administrasiyasını Qarabağdakı status-kvoya göz yummaqda günahlandırıb. Analitik bildirib ki, ABŞ administrasiyası münaqişənin nizamlanmasının mühümlüyünə və hərbi əməliyyatların yenidən başlanması təhlükəsinə göz yumur. “əgər Birləşmiş Ştatlar yeni dinc nizamlama variantı təşəbbüsü ilə çıxış etsə və tərəfləri danışıqlar masası arxasına keçməyə məcbur etsə situasiya dəyişə bilər, lakin  bu baş vermir”-o deyib.

Virtualaz.org

BIR CAVAB BURAXIN

Please enter your comment!
Please enter your name here

fifteen − two =