Gürcülərin Avropaya vizasız səfərləri qarşısındakı son maneə də qalxdı

0
486
 

AzadlıqRadiosu yazır ki, bu qaydalar gürcülərin və ukraynalıların Şengen zonası ölkələrinə vizasız gediş-gəlişi rejiminin işə düşməsinə doğru atılmış əsas addımdır.

AP üzvləri vizasız rejimin ləğvi mexanizmini ötən dekabrda qəbul ediblər və indi, fevralın 13-dəsənədin Aİ-nin bütün dillərinə tərcümə edilmiş yekun variantı ekspertlər tərəfindən yoxlandıqdan sonra elan edilib.

Yeni qaydalara görə üçüncü ölkələrlə viza rejimini ləğv edən razılaşmalar müəyyən situasiyalarda tez bir zamanda dayandırıla bilər. “Müəyyən situasiyalar” dedikdə, məsələn sığınacaq ərizələrinin əsassız şəkildə artması və ya üçüncü ölkələrin vətəndaşlarının Aİ üçün təhlükə təşkil etməsi halları nəzərdə tutulur.

Bu tədbirlər Gürcüstan və Ukrayna vətəndaşları üçün Şengen zonasına vizasız gediş-gəliş imkanını çox tezliklə yarada bilər.

AP Gürcüstanla viza rejiminin sərbəstləşdirilməsi barədə qərarı fevralın 3-də böyük səs çoxluğu qəbul edib. İndi vizasız rejimin ləğv olunması mexanizminin hazır olması Gürcüstan vətəndaşları qarşısında Avropaya vizasız səfərlərin qarşısını kəsən son baryeri də aradan qaldırıb.

Diplomatlar bildiriblər ki, Gürcüstan üçün vizasız rejim artıq martın 3-dən qüvvəyə minəcək.

Ukraynalılar da

Vizasız rejimin ləğv olunması mexanizminin qəbul edilməsi Ukrayna vətəndaşlarının da Şengen zonasına sərbəst səfər edə biləcəkləri günü yaxınlaşdırıb.

Gürcüstan və Ukrayna əsas etibarilə Rusiyanın təcavüzkar siyasətindən qorunmaq üçün Aİ ilə daha sıx əlaqələrə can atırlar.

Rusiya silahlı qüvvələri 2008-ci il müharibəsi zamanı Gürcüstanın ərazisinə müdaxilə edib və Moskva Abxaziya və Cənubi Osetiyanı faktiki olaraq Tbilisinin nəzarətindən çıxarıb.

Rusiya 2014-cü ildə Krımın ilhaqından sonra Ukraynanın şərqində yaratdığı separatçı hərəkata silahlı dəstək verir.

Hazırda Şengen zonasına daxil 26 ölkə bunlardır: Almaniya, Avstriya, Belçika, Çexiya, Danimarka, Estoniya, Finlandiya, Fransa, Hollandiya, İslandiya, İspaniya, İtaliya, İsveç, İsveçrə, Latviya, Litva, Lixtenşteyn, Lüksemburq, Macarıstan, Malta, Norveç, Polşa, Portuqaliya, Slovakiya, Sloveniya, Yunanıstan.

BIR CAVAB BURAXIN

Please enter your comment!
Please enter your name here

four × 1 =