Qırğızıstanda hərbi baza açmaq daha ABŞ-ı maraqlandırmır.
Bunu jurnalistlərə açıqlamasında ABŞ Dövlət katibinin müavini Tomas Şennon söyləyib.
Onun sözlərinə görə, təhlükəsizlik sahəsində Qırğızıstanla əməkdaşlıq üçün ABŞ-ın burada baza açması önəmli deyil.
Qeyd edək ki, ABŞ Qırğızıstanda 2001-ci ildə hərbi baza açıb. Bu baza Manas aeroportunda yerləşib. Baza əvvəlcə Piter Qansi, 2005-ci ildən isə Manas adlanmağa başlayıb. 2014-cü ildə Qırğızıstanın tələbi ilə ABŞ buradakı bazalarını bağlayıb.
