Ukraynadan qanunsuz olaraq Slovakiyaya keçmək istəyən 3 azərbaycanlı saxlanılıb – VİDEO

0
464

Ukrayna Dövlət Sərhəd Xidmətinin Çopski dəstəsinin “Ujqorod” şöbəsinin sərhəd keşikçiləri Azərbaycan və Banqladeşdən olan qanunsuz miqrantları saxlayıblar.

Bu barədə Ukrayna Dövlət Sərhəd Xidmətinin məlumatında qeyd olunur.

“Dövlət sərhədi yaxınlığında naməlum şəxslərin hərəkəti barədə hərbçilərə Ujqorod rayonunun Onokovtsı kəndinin sakinləri məlumat veriblər. Üç azərbaycanlı və bir Banqladeş vətəndaşı sərhəd keçid məntəqəsindən kənar hissədən Slovakiyaya keçmək istəyib. Qanun pozucularından yalnız birinin üzərində şəxsiyyti təsdiq edən sənəd olub. Lakin əcnəbilərin dördü də qanunsuz miqrasiya məqsədi ilə Avropa İttifaqı ölkələrinə düşmək niyyətində olduqlarını etiraf ediblər”, – deyə məlumatda bildirilir.

Hazırda sərhədçilər cinayətin bütün təfərrüatlarını öyrənir və onların bütün dairəsini müəyyənləşdirirlər. Əcnəbilər inzibati məsuliyyətə cəlb olunacaqlar.

BIR CAVAB BURAXIN