Moskvada, Puşkin meydanında polis antikorrupsiya mitinqinə qatılan 130-dan çox aksiyaçını saxlayıb.Daha 30 aksiyaçı isə əvvəlcədən gətirlmiş maşınlara doldurulub. Saxlananlar arasında The Guardian qəzetinin müxbiri də var.
Puşki meydanı mühasirəyə alınıb. Fəalların verdiyi məlumata görə, polis aksiyaçılara qarşı dəyənəklərdən istidfadə edir. Polisin dəyənəylə vurduğu aksiyaçlardan biri hüşunu itirərək yerə yıxılıb.
“Dojd” telekanalının məlumatına görə, Puşkin meydanına qaz buraxılıb. 200-ə yaxın xüsusi təyinatlı polis aksiyaçıları dağıdıb. Yüzlərlə mitinqçi Kreml tərəfə üz tutub.
Bundan əvvəl isə polis müxalifət fəalı Aleksandr Navalnynı saxlamışdı. Navalnı antikorrupsiya aksiyasının təşkilatçısıdır.
Korrupsiyaya qarşı Mübarizə Fondunun baş nazir Dmitri Medvedevin əmlakları barədə hazırladığı filmin nümayişindən sonra Rusiyanın onlarla şəhərində ictimai fəallar martın 26-da aksiyalar keçrirəcəklərini bəyan etmişdilər. Navalnynın bildirdiyinə görə, aksiyalar ölkənin 80-dən çox şəhərini əhatə etməlidir.
Polis Korrupsiya Qarşı Mübarizə Fondunun Moskva ofisinin bütün əməkdaşlarını saxlayıb.
Bundan əvvəl isə ofisin işıqları kəsilmişdi. Qurumun ofisindən Rusiyada korrupsiya əleyhinə keçirilən mitinqlər online rejimdə yayımlanırdı.
Korrupsiyaya qarşı Mübarizə Fondununbaş nazir Dmitri Medvedevin əmlakları barədə hazırladığı filmin nümayişindən sonra Rusiyanın onlarla şəhərində etiraz aksiyaları keçirilib.
Müxalifət fəalı Aleksandr Navalny saxlanılandan sonra Twitter mesajında etirazçıları aksiyaları davam etdirməyə çağırıb. O yazır: “Uşaqlar, mən yaxşıyam. Məni azadlığa çıxarmaqla məşğul olmayın. Tverdə yürüşü davam etdirin. Günün əsas mövzusu korrupsiyayla mübarizədir”.
