Almaniya kansleri Angela Merkelin rəhbərlik etdiyi Xristian Demokrat Partiyası Berlin əyalət seçkilərində tarixinin ən ağır məğlubiyyətini aldı.
Teleqraf.com-un “Sabah”a istinadən xəbərinə görə, reytinqi yüzdə 23.3 faiz olan xristian demokratlar səs nisbətini qoruya bilməyiblər. Bu dəfəki seçkilərdə onlar 18 faiz səsqazanıblar.
Doğulduğu Mecklenburg-Vorpommerndə səs itkisinə uğradığı üçün ciddi tənqidə məruz qalan Angela Merkel 2011-ci il seçkilərindən sonrakı reytinqini itirib. Beləliklə, xristian demokratlar Berlin əyalət seçkilərində ən pis nəticə göstərib.
