Canavarlar kəndə hücum edib 4 baş qoyunu parçaladı

0
348
 

Göyçayda kəndə hücum edən canavarlar 4 baş qoyunu parçalayıb.“ARB TV” xəbər verir ki, hadisə ötən gecə Göyçayın Çaxırlı kəndində baş verib.

Kənd sakini Eldəniz Abdullayevə məxsus tövləyə girən canavarlar 20 baş xırda buynuzlu heyvandan 4-nü parçalayıb, 1-ni isə yaralayıb.

Yaralı qoyun baytarların nəzarətinə götürülərək müalicə olunur. Ölən heyvanlar isə dezinfeksiya edilərək torpağa basdırılıb.

Sakinlərin sözlərinə görə, bu, vəhşi heyvanların kəndə ilk hücumu deyil. Əvvəllər də yırtıcılar bir neçə dəfə heyvanları və ev quşlarını tələf ediblər.

Kənddə heyvandarlıqla məşğul olan fermerlər vəhşi heyvanların hücumundan qorunmaq üçün ov tüfəngindən istifadəyə icazə verilməsini istəyirlər.

BIR CAVAB BURAXIN

Please enter your comment!
Please enter your name here

one × one =