Avropa çempionatlarında fərqli Fransa

0
282

 

 

Fransada başa çatan futbol üzrə Avropa çempionatının doğurduğu əks-səda davam edir. Buna da da səbəb Fransanın öz meydanında növbəti dəfə Avropa çempionu ola bilməməsidir. Halbuki Fransanın doğma divarlar arxasında növbəti dəfə çempion ola biləcəyi proqnozlaşdırılmışdı. Çünki adətan Fransa yalnız doğma divarlar arxasında dünya və Avropa çempionları olmağı bacarıb. Bu baxımdan təbii ki, 2016-cı il Fransa yığması ilə 1984-cü ilin Avropa,1998-ci ilin isə dünya çempionu olan Fransası arasında  böyük fərq dərhal nəzərə çarpırdı. 1984-cü il Avropa çempionu olan Fransa yığmasında Platini, Jiress kimi hücumçular vardı. Üstəlik qapını məşhur qapıçı Bats qoruyurdu.

1998-ci ildə dünya çempionu olan Zidanın Fransa yığması da rəqibləri üçün qorxulu bir təhlükə hesab edilirdilər.

2016-cı il Avropa çempionatında isə belə demək mümkünsə Qrizmanın Fransası Platininin və Zidanın komandası ilə müqayisədə daha zəif təsir bağışlayırdı. Bu da aydındır: Platini və  Zidanla müqayisədə Qrizman Fransa yığmasını öz arxasınca aparmaq iqtidarında deyildi və onlardan daha zəif olduğu aydın nəzərə çarpırdı.

Əlbəttə, 2016-cı il Fransasındakı oyunçular, o cümlədən Qrizman, Poqba və Lorisin ulduz kimi parlayacağı oyunlar hələ qabaqdadır. Xatırladaq ki, 12 il əvvəl Ronaldonun komandası da Portuqaliyada keçirilən Avropa çempionatının finalında Yunanıstan 0:1 hesabı ilə məğlub olmuşdu. Amma illər ötəndən sonra Ronaldo nəhayət ki, komandası ilə birgə Avropa çempionu ola bildi. Şübhəsiz ki, Qrizmannın komandasının çempion olmaq sevinclərini yaşayacağı gün gələcək.

BIR CAVAB BURAXIN

Please enter your comment!
Please enter your name here

2 × three =