Cümə, Sentyabr 24, 2021
Ev Gündəm 70 dəfə əl yumaq, oğurluq etmək… – yerli məşhurların pis vərdişləri

70 dəfə əl yumaq, oğurluq etmək… – yerli məşhurların pis vərdişləri

0
529
70 dəfə əl yumaq, oğurluq etmək... - yerli məşhurların pis vərdişləri

Yerli şou-biznes nümayəndələri “ATV maqazin onlarla” verilişdə pis vərdişlərindən danışıblar.

Axşam.az-ın məlumatına görə, müğənni Lalə Məmmmədova bir deyil, bir neçə pis vərdişinin olduğunu etiraf edib:

“Səhnəyə çıxmamışdan əvvəl o qədər həyəcanlı oluram ki, dırnaqlarımın boyasını qoparıram. Bəzən isə ətimi belə qopara bilirəm. Daha bir mənfi cəhətim tez özümdən çıxmağımdır. Əvvəllər uşaqlarımla sakit tonda danışırdım. İndi buna səbrim çatmır. Yəqin, bu,  qayğılarımın artçasından irəli gəlib”.

Namiq Qaraçuxurlunun sözlərinə görə, insan mənfi xüsusiyyətini etiraf eləməsə, qarşısını da ala bilməz:

“Mənim də pis xasiyyətim var. Axşam evə gələndə corabımı çıxarıb tullayıram və bundan ləzzət alıram. Sonra mənə deyirlər ki, bu nədir belə? Şalvarın orada, corabın burada. Ayıb deyil sənə? Xarici ölkəyə səfərə gedəndə, oteldə otağıma qəfil kimsə gəlsə, görər ki, otaq köçür”.

Namiqdən fərqli olaraq, Murad Dadaşov səliqəli olduğunu vurğulayıb. Lakin şoumen bildirib ki, bu xüsusiyyət də onun mənfi cəhətlərindən biridir:

“O qədər xırdalıqlara fikir verirəm ki… Masada bir şey gərək əyri dayanmasın. Çəngəl, qaşıq, boşqab, telefon… hamısı yerində olsun. Evə gələndə nə qədər yorğun olsam da, çantamdakıları çıxarıb yerinə yığmasam, yatmaram. Gün ərzində 70-80 dəfə əllərimi yuyuram. Daha bir pis vərdişim isə yeməyə alışqanlığımdır”.

Müğənni Natavan Həbibi isə pis vərdişinin gecələr yatmamaq olduğunu söyləyib:

“Səhərə kimi filmlər izləyirəm. Səhər saat 6-7-ə qədər komediya filmlərinə baxıb sonra yatıram. Daha bir pis xüsusiyyətim çoxlu tum çırtlamağımdır”.

İfaçı Kərim isə oğru olduğunu etiraf edib:

“Hara gedirəmsə, masada çaxmaq gördümsə, götürüb qoyuram cibimə”.

Xalq artisti nazpəri Dostəliyeva hamıya inanmağı özünün ən mənfi xüsusyiiəti kimi dəyərləndirir:

“Hamıya inandığım üçün həmişə problem yaşayıram”.

Əməkdar artist Elza Seyidcahan isə həmkarlarından fərli olaraq, heç bir pis vərdişinin olmadığını bildirib.

BIR CAVAB BURAXIN

Please enter your comment!
Please enter your name here

4 × 3 =