Ən ağlasığmaz toy adətləri

0
686

Toy iki sevən şəxsin bir-birinə əbədi olaraq bağlandığı günün təntənəsi hesab olunsa da, eyni zamanda, bir sıra adətlər toplusudur. Bu adətlər isə müxtəlif yerlərdə müxtəlif cür özünü göstərir və tətbiq olunur. Bəziləri yaşadığımız müasir dövrdə əhəmiyyətini itirib. Bununla belə, onlara maraq hər zaman var. Tabloid.az dünyanın 10 ən ağlasığmaz və qəribə toy adətlərinin siyahısını təqdim edir.

 

Məsələn, Türkiyədə bəy duzlu qəhvə içməyə məcbur olur və səsini çıxarmır.

 

Çində Tuçzya xalqının adətinə görə, ərə gedən qız bir ay ərzində hər gün ən azı bir saat oturub ağlamalıdır. Ailənin də bütün qadınları ona qoşularaq ağlaşma qururlar. Yəqin, ailə həyatının heç də bal kimi olmayacağını göstərmək istəyirlər.

 

Hindistanda isə gəlinin ayaqlarını qayınanası yuyur. Hindistanda toydan bir gün əvvəl məclis təşkil olunur və qayınana-gəlin münasibətlərinin yaxşı olması üçün gəlinin ayaqlarına xna qoyulur. Sonra isə  mahnılar oxunur və qayınana gəlinin ayaqlarını yuyur.

 

Qızın anası isə bəyin ayaqlarını yuyur. Ardından isə ayaqlara bal və süd çəkilir.

 

Hindli xanımlar bəyaz gəlinlik yerinə, qırmızı rəngli sari adlanan milli geyim geyinirlər. Həmin geyimi bəy toya gələrkən özü ilə birlikdə gətirir.

 

Bəylə gəlin dörd dəfə od ətrafında fırlandıqdan sonra birinci kim otursa, evdə onun sözü keçəcək.

 

Başqa bir adətə görə, bu ölkədə belə hesab edilir ki, heç bir bürc altında doğulmayan qadınlar lənətləniblər. Hələ qədim vaxtlardan belə qadının həyat yoldaşının erkən ölümünə səbəb olduğuna inanırdılar. Buna görə də, həmin qadını ilk dəfə ağacla evləndirirlər. Lənətdən azad olunması üçün bəlli ritualın icrasından sonra ağac kəsilir və daha sonra toy şənliyinə start verilir.

 

Şimali Koreyada evlilik ənənələrində ördək və qaz əsas yer tutur. Əvvəllər bəylər əlində qaz tutaraq ağ atın önündə gəlirdi. Hazırda isə bu adət-ənənə taxta qazla əvəzlənib.

 

Başqa bir adət-ənənəyə görə, cütlüklər evə 2 cüt qaz yerləşdirir. Onlar qarşılıqlı danışsa, cütlüklər yaxşı yola gedəcək, tərs davransalar, yaxşı yola getməyəcək.

 

Bu ölkədə evlənmiş kişi toydan sonra öz ayaqlarını yuya bilməz. Çünki otağına daxil olmazdan 15-20 dəqiqə öncə onun ayağı iylənmiş balığın suyu ilə yuyulur. Adətə görə, bəy belə iylənmiş ayaqla həyat yoldaşı ilə ilk toy gecəsini keçirməyə məcburdur.

 

Vikinqlərdə gəlin namizədlər pulla alınırdı. Yəni, bəy gəlinin atası ilə danışıq aparır və gəlini pulla özünə arvad edir. Buna bizdə başlıq pulu deyilir.

 

Belçikada toy adət-ənənəsi əl dəsmalı ilə bağlıdır. Gəlinin ailəsində qızın adı yazılmış və işlənmiş dəsmal var. Toy günü həmin dəsmal qonaqlara göstərilir və ona dəyər verilir.

 

Bosniyada bəy əvvəlcədən qız evinə gəlir və toy haqqında söhbət edir. Qızın ailəsindəki ağsaqqallar bəydən razı qalsalar, toya razılıq verirlər. Sonda qəhvə gətirilir, qəhvə şəkərlidirsə, qız evinin cavabı müsbət olduğu anlamına gəlir.

 

Pakistanın toy adət-ənənələri isə çox qəribədir. Bəy gəlinin ailəsi tərəfindən sorğu-sual edilir, hətta təhqir edilir. Bəy bütün bunlara soyuqqanlı şəkildə dözürsə, qız evinin cavabı müsbət olur.

 

Mavritaniyada qız evlilik yaşına çatanda ən az 60 kq olmalıdır.  Dünyanın nərmə-nazikliyə qaçdığı dönəmdə Afrikanın qərb sahilindəki islam respublikasında bədən quruluşu baxımından cüssəli, ətli-qanlı qadınlara üstünlük verirlər. Bu ölkədə kişilər evlənmək üçün seçdikləri qadınları əvvəlcə kökəldirlər. Əks cinsin nümayəndələri toya qədər kökəlməklə gözəl görünməlidirlər.  Əgər qarınları çıxırsa, deməli ərə getməyə hazırdırlar. Yemək yeməkdən imtina edənləri isə cəza  gözləyir.

 

İsveç toylarında isə gəlini və bəyi öpmək üçün sıraya düzülürlər. Gəlin dözməyib qaçarsa, qızlar bəyi öpür. Bəy aradan çıxarsa, kişilər gəlini öpmək üçün sıra tutur.

 

Polşada gəlinlər pul qarşılığında rəqs edir.

 

Şotlandiyada toy günü gəlini ağaca bağlayırlar. Toya gələnlər ailə həyatının məşəqqətini onun üzərinə zir-zibil və laxlamış yumurta atmaqla nümayiş etdirirlər.

 

tabloid.az

BIR CAVAB BURAXIN