Azərbaycan prokurorluğu AXCP sədri Əli Kərimlinin bacanağı Rauf Hüseynovun barəsində beynəlxalq axtarış elan edib. Turan-ın məlumatına görə, o, xaricdə siyasi sığınacaq almaq üçün saxta sənəd düzəltməkdə ittiham olunur.
Ancaq AXCP R.Hüseynova qarşı ittihamları qəbul etmir. Partiyanın mətbuat xidmətinin məlumatına görə, R.Hüseynov uzun illərdir ki, partiyanın üzvüdür, Milli Şuranın mitinqlərində fəal iştirak edib. O, mitinqlərin texniki təchizatına (səsgücləndiricilərin quraşdırılması və digər məsələlər) məsul şəxs olub.
