Avropa Birliyi Türkiyənin bu quruma üzv qəbul edilməsi məsələsinə münasibətdə səmimi deyil.
Mediainfo.az-ın AP agentliyinə istinadən verdiyi xəbərə görə, bunu Macarıstanın Baş naziri Viktor Orban Türkiyə prezidenti Rəcəb Tayyib Ərdoğanla Budapeştdəki görüşündə deyib. Onun sözlərinə görə, AB Türkiyə ilə hərtərəfli, dərinləşdirilmiş əməkdaşlığa hazır olub-olmaması ilə bağlı qəti qərar qəbul etməlidir: “Bir tərəfdən AB üzv namizədə sizinlə bu barədə danışıqlar aparmaq istəyirik deyir, digər tərəfdən də onun nüfuzlu üzvləri Türkiyəni heç vaxt bu quruma buraxmayacaqlarını bəyan edirlər. Mən AB-nin belə qeyri-səmini mövqeyini başa düşə bilmirəm”.
Orban qeyd edib ki, Türkiyə Avropaya miqrant axınlarının qarşısını almaqda mühüm rol oynayıb və Macaristan bunu özünün təhlükəsizliyi baxımından olduqca yüksək qiymətləndirir.
Əziz Mustafa
