“Mənə inandıqlarını söylədilər” – Ramil Şeydayev

0
537

 

Slovakiyanın “Jilina” klubunun baş məşqçisi Adrian Qulya komandasının yeni transferi Ramil Şeydayev haqda fikir bildiirb. 

Qafqazinfo” xəbər verir ki, o, klubun rəsmi saytına açıqlamasında Türkiyənin “Trabzonspor” klubunundan icarəyə götürdükləri millimizin üzvü ilə bir müddətdi danışıq apardıqlarını deyib:

“Bildiyiniz kimi, Ramil “Trabzsonspor”da oyun təcrübəsindən əziyyət çəkirdi, kifayət qədər oynamırdı. Buna baxmayaraq, bir neçə klubun diqqətini öz üzərinə cəlb etmişdi. Bizimlə yanaşı bəzi klublar da onu heyətində görmək istəyirdilər. Gənc, istedadlı futbolçularla çalışma fəlsəfəmizə uyğun olaraq, onu komandamıza cəlb etdik. Şeydayevin keçidini həll etdiyimizə görə çox şadam. Ondan gözlədiyimizi alacağımıza inanıram”.

Ramil Şeydayev də “Jilina”nı seçdiyinə görə xoşbəxt olduğunu deyib: “Jilina”ya keçdiyim üçün özümü xoşbəxt hiss edirəm. Düşünürəm ki, yaxşı seçim etmişəm. Bu, daim olaraq oynamaq və öz komandama xeyir vermək üçün bir fürsətdir. “Trabzonspor”un heyətindəki slovakiyalı futbolçular – Matuş Bero və Yan Düristlə “Jilina” haqda söhbət etmişəm. Onlar “Jilina”nın böyük klub olduğunu bildirdilər və mənə inandıqlarını söylədilər. Fikrimcə, yeni klubumda müntəzəm şans qazana biləcəm. Ümid edirəm ki, çempionatı hazırda olduğumuz pillədə bitirib, avrokuboklarda kifayət qədər irəliləyəcəyik. Hazırda özümü çox yaxşı hiss edirəm və “Jilina”nın heyətində debütümü səbrsizliklə gözləyirəm”.

Qeyd edək ki, “Trabzonspor”un heyətində keçiridiyi 3 rəsmi oyunda 1 qol vuran Şeydayev “Jilina” ilə 1,5 illik müqavilə imzalayıb.

BIR CAVAB BURAXIN