“Köçəryan yalnız Qarabağdan 4 milyard dollar yığıb…” – Erməni mediası

0
508

Xocalı qatilinin “demokratiya beşiyi” ABŞ-da dəbdəbəli malikanəsi də var…


“Robert Köçəryan  10 il ərzində erməni “xam torpağ”ı hesabına 4 mlrd. dollar yığıb”.
Moderator.az yazır ki, bu məlumatı Ermənistan mediası yayıb.
“Erməni xam torpağı” deyəndə erməni jurnalistlər işğal altındakı Azərbaycan torpaqlarını nəzərdə tuturlar. Xəbərdə deyilir:”Etibarlı mənbələrin təsdiqlədiyinə görə, Robert Köçəryan 10 il ərzində (1998-2008-ci illərdə Ermənistan prezidenti olduğu dövr-S.L.) “erməni xam torpağı” hesabına 4 mlrd. dollarlıq  varidat toplayıb. Ancaq cəmiyyətdən və dövlətdən taladığı pullardan bir qəpik də  “Artsax”a  yatırmayıb. Əvəzində o, öz biznesini hətta Afrikada (Ermənistan və “Artsax”ın keçmiş prezidentinin sevimli ov məkanı) inkişaf etdirməyi üstün bilib…”
Xatırladaq ki,  R.Köçəryan Xankəndidə 2 il “baş nazir”(1992-1994), 3 il isə “prezident”(1994-1997) kimi çalışıb.
Ancaq xəbərdə R.Köçəryanın həmin 4 mlrd. dolları Qarabağda konkret hansı mənbələrdən əldə etdiyi göstərilmir. Çox güman ki, burada əsas yeri işğal altında olan torpaqlarımızdakı yaşayış məntəqələrinin bərpasına ayrılan pullar və faydalı qazıntı, xüsusən qızıl, civə, mis, molibden, dəmir yataqlarından axan(!) gəlirlər tutub.
Son məlumatlara görə, Xocalı soyqırımının iştirakçısı, cani eks-prezident R.Köçəryanın “demokratiya beşiyi” – ABŞ-da möhtəşəm bir malikanəsi də var…
P.S. Erməni mediası hələ hazırkı qatil prezident Serjik Sərkisyanın taladıqlarından yazmır. Görünür, onun Qarabağda  “yedik”lərini hələ hesablayıb qurtara bilməyiblər…
Sultan Laçın

BIR CAVAB BURAXIN

Please enter your comment!
Please enter your name here

five × 3 =