İsveçdə yaşayan azərbaycanlı bələdiyyə seçkilərində qalib gəldi

0
390
İsveçdə keçirilən parlament və bələdiyyə seçkilərində daha bir soydaşımız səs çoxluğu ilə qələbə qazanıb.İsveçdə yaşayan soydaşımız Turan Əliyev “Mərkəz” Partiyasından Partille bələdiyyəsinə üzv seçilib.

Bu barədə məlumatı “Ölkə.Az”a diaspor üzrə araşdırmaçı-jurnalist Elnur Eltürk verib.

“Turan Əliyev bir ildir ki,partiyada fəaliyyət göstərir. Hal-hazırda bələdiyyədə partiyanın idarə heyətinin üzvüdür. Seçkilərdə yüksək səs coxluğu ilə seçildiyi üçün bələdiyyədə və İsveçin ən böyük  əyalətində komissiya və idarələrdə partiyanı təmsil edəcək. Qürurverici məqam odur ki, partiyanın 12 nəfərlik namizədlərindən yalnız Turan Əliyev bir əcnəbi kimi seçkilərə gedib”.

Hal-hazırda İsveçdə 290 bələdiyyə var. Partiller bələdiyyəsində 51 üzv var. Onların hər biri səsvermə hüququna malikdir. Turan Əliyev də səsvermə hüququnu özündə daşıyacaq və qərarların qəbul olunmasında iştirak edəcək.

Qeyd edək ki, İsveçdə bələdiyyələrin cəmiyyətdə rolu böyükdür və qərarların qəbul olunmasında kifayət qədər təsir imkanları var.

Turan Əliyev 1983-cü ildə Naxçıvanda anadan olub. 2004-cü ildə Naxçıvan Dövlət Universitetinin Yol hərəkətinin təşkili fakültəsini bitirib. Universiteti bitirəndən sonra İsveçə köçüb.

ŞƏRH YAZ

BIR CAVAB BURAXIN

Please enter your comment!
Please enter your name here

two × three =