HƏLƏ NƏĞMƏM VAR MƏNİM

0
708
İllərdir ki, bir səsin sehrinə düşərək həvəslə, həsrətlə yorulmadan dinləyirəm. İllərə
güc gələn o səs təmizdir, safdır öz qəlbi, ürəyi kimi. Genişdir, gurdur səsi, qəlbinin
genişliyi, mərhəməti kimi. Hər zaman insanlara, dostlarına, ətrafına xeyirxahlıq
göstərən, dar günün dostudur həmin səsin sahibi. 50 ildir ki, sənətdədir, 50 ildir ki, oxuyur. Səsi qəlbə, ruha məlhəmdir. Hər addımında ziyalılığını, şəxsiyyətini
düşünür və ona xələl gətirməmək üçün yalnız nümunəvi addımlar atır. Sənətiylə,
qızı və nəvələri ilə nəfəs alır. Dövlətini, dövlətçiliyini varlığı qədər sevir və onu
sevə-sevə təbliğ edir. Yeni Azərbaycan Partiyasını fəal üzvlərindən biridir. Söhbət
sevimli, ustad sənətkarımız Səmayə Hüseynovadan gedir.
Efirlərdən, mətbuatdan bir qədər incik düşüb uzaq gəzən sənətkarı çətinliklə də
olsa “Oxu Məni” oxucuları ilə görüşdürə bildik. İstədik ki, oxucularda da nostalji
duyğular oyadaq. Elə isə sənətkarın həyat və yaradıcılığı ilə yaxından tanış olaq.
Hər bir ata öz evinin şahıdır,
Şərəfidir, şöhrətidir, varıdır.
Ümididir, dar gündə pənahıdır,
Başımızın tacı, sultandır ata,
Sağ ikən övlada həyandır ata.
Qəlbində düşünür, fikri çoxsa da,
Qolunun qüvvəti, gücü yoxsa da.
Evinə dayaqdır necə olsa da,
Başımızın tacı, sultandır ata,
Övlada özü tək yanandır ata.
Səmayə xanım Hüseynovanın söylədikləri:
“Mən, Hüseynova Səmayə ayaz qızı 1941-ci ildə Balakən rayonunun Hənifə
kəndində anadan olmuşam. Atam Ayaz Hüseynov Böyük Vətən müharibəsinə
getdikdən 3 ay sonra dünyaya göz açmışam. Ata qayğısı, ata nəvazişi görməmişəm.
Atam müharibədə həlak olub, bir sözlə, anamın himayəsində yetimliklə
böyümüşəm. 1948-ci ildə Balakən rayonunun Hənifə kəndinin 7 illik məktəbinin
birinci sinfinə getmişəm və mən oxumaq fəaliyyətimə elə bu məktəb illərindən
başlamışam. İlk dəfə məktəb səhnələrində, “Fındıq” və “Tütün” iməciliklərində
konsertlər vermişəm. Mənim yaşımın balaca olmasına baxmayaraq muğamlardan
“Qatar”, “Şahnaz”, “Mirzə Hüseyn Segahı”, “Qarabağ şikəstəsi” və s. təsniflər və
xalqa mahnıları oxuyardım. Bunların hamısını radionu dinləyərək öyrənmişəm.
Demək olar ki, ilk müəllimim də radio olub. 1958-ci ildə Balakən rayonunda orta
məktəbi bitirdikdən sonra 1960-cı ildə ailə həyatı qurub Mingəçevir şəhərinə
köçmüşəm. 1963-cü ildən Mingəçevir şəhər Mədəniyyət Sarayında işə başladım.
Ü. Hacıbəyovun “Leyli və Məcnun” operası tamaşaya qoyulurdu və məni baş rola,
  • Leyli obrazına dəvət etdilər. 1963-cü ildən 1968-ci ilə qədər həm Leyli rolunda,
    həm də konsert proqramlarında çıxış edərək bütün rayonlara qastrollara getmişəm.
    Orada işləyə-işləyə 1966-cı ildə maestro Niyazinin təşəbbüsü ilə Azərbaycan
    Dövlət Filarmoniyasına 5 nəfər muğam ifaçıları axtarırdılar. 1966-cı ildə 3 turdan
    ibarət müsabiqə keçirildi. Bu müsabiqədə mən “Şahnaz” , “Qatar” muğamlarını,
    təsnif və xalq mahnılarını oxudum. Münsiflər heyətində maestro Niyazi, Əhməd
    Bakıxanov, Hacı Xanməmmədov, Şövkət Ələkbərova, Sürəyya Qacar, Cahangir
    Cahangirov, Emin Sabitoğlu, Ağası Məşədibəyov, Vasif Adıgözəlov, Şəmsi
    Bədəlbəyli və s. vardır. Mən 3 turdan qalib çıxaraq birinci yeri tutdum və
    Azərbaycan Dövlət Filarmoniyasının solisti və vokalisti oldum. 1967-ci ildə
    keçmiş Sovetlər İttifaqında komsomolun 50 illik yubileyi keçirilirdi. Bu yubileydə
    mən “Qatar” muğamını oxuyub birinci dərəcəli “Qızıl” medal, “Göy göl”
    mahnısına görə “Gümüş” medala layiq görüldüm. 1968-ci ilin mart ayından
    başlayaraq qastrol səfərlərinə çıxmışam. Qastrol səfərlərində mərhum Yaqub
    Məmmədov, Habil Əliyev, İldırım Həsənov, Mütəllim Mütəllimov, Ağababa
    Novruzov, Sara Qədimova, Tükəzban İsmayılova, Əbülfət Əliyev, Mirzə Babayev
    kimi sənətkarlarla çiyin-çiyinə dövlət konsertlərində, təşviqat qatarlarında, pambıqtarlalarında, fermalarda, taxıl sahələrində, quşçuluq fermalarında, kolxozçular vəsağıcılar üçün konsertlər vermişəm. Sovet dövründə pulsuz iməcilik konsertləri iləzəhmətkeşlər qarşısında mikrofonsuz çıxışlar etmişəm. Aldığım limitlər hər vaxt dövlətə keçirilirdi, dövlət bu konsertlərdən bəhrələnirdi.
    Filarmoniyada işləyə-işləyə 1968-ci ildə Əhməd Bakıxanovun təşəbbüsü ilə
    sənədlərimi Asəf Zeynallı adına Bakı musiqi texnikumunun muğam şöbəsinə
    verdim. Əla qiymətlərlə qəbul olub müəllimim Hacıbaba Hüseynovdan
    muğamlarımızın sirlərini öyrənmək mənə nəsib oldu. 1972-ci ildə texnikumu
    bitirərək diplom aldım. Azərbaycan Dövlət Filarmoniyasında mənə hər ayda 14
    konsert vermək planı qoyulmuşdur. Mən də hər ayda 28-30 konsert verirdim.
    1992-ci ildə Azərbaycan Konsert Birliyi dağılandan sonra mən də təqaüdə çıxdım.
    Beləcə 50 il yorulmadan bu sənətdə çalışmışam. Muğam, təsnif, xalq, bəstəkar
    mahnılarımızı ifa etmişəm. İfalarımın əksəriyyəti “Qızıl fond”da qorunur. Öz
    gücümlə bu sənətdə külüng vura-vura ucalmışam. Sənətim mənim dünyamdır,
    çünki məni tanıtdıran, xalqa sevdirən sənətim olub”.
    Həyatın bütün çətinliklərinə sinə gərən qəhrəmanımın qəlbindəki ata ağrısı, ata
    acısı illərdir ki, qəlbini qübar edib. 3 aylıq körpə ikən atasını itirən sənətkarın
    qəlbinin zəif nöqtəsinə təzədən toxunmaq istəmədik. Özü belə söylədi:
    – Bu gün atama ehtiyacım var. Kaş yanımda olardı. Ancaq qürurluyam, fəxr edirəm
    ki, Böyük Vətən müharibəsində həlak olan bir vətənpərvər azərbaycanlı oğlunun
    qızıyam… (gözləri dolur)
    O bir əzəmətdir, o bir müqəddəs,
    Yaşayıb-yaradır könlündə həvəs.
    Nankorluq etməsin övlad olan kəs
    Başımızın tacı, sultandır ata,
    Ömrünü övlada qıyandır ata.
  • Göydə Tanrı, yerdə odur qibləgah,
    Olmasın könlündə nə kədər, nə ah.
    Onunla açılsın hər bir xoş sabah
    Başımızın tacı, sultandlr ata,
    Övladı qəlbi tək duyandır ata.
    50 illik sənət yolu… Təəssüflər ki, Səmayə xanım layiq olduğu fəxri adların heç
    birini almayıb. Ancaq yenə də ruhdan düşmür, inanır ki, tezliklə o da fəxri adın
    sevincini yaşayacaq. Səhhətində böyük problemlər olan sənətkarımızın da üzünə
    fəxri adın sevinci qonacaq. O gün uzaqda deyil Elə o “sevincli anı” “Oxu Məni”
    oxucuları ilə bərabər paylaşmaq ümidi ilə təzədən görüşənədək.
    Alim Nəbioğlu

BIR CAVAB BURAXIN