Get sevdiyim, Vətən səni çağırır

0
96

Get sevdiyim, Vətən səni çağırır.

Neçə ildir gözü yolda qalan var.

Torpağının həsrətinə dözməyib,

Son nəfəsi qürbət eldə alan var.

Get sevdiyim…Azad eylə yurdumu,

Uşaqların ahı yerdə qalmasın.

Sən sevindir daha mənim xalqımı

Anaların gözü yaşla dolmasın.

Şəhidlərin ruhu baxıb sevinsin

Azadlığın carçısı ol, sevdiyim.

Mən bilirəm, Vətənimin fəxrisən

Qürurumsan, ay könlümü verdiyim.

Dalğalandır bayrağımı zirvədə,

Qürur duyum hər sorağın gələndə.

Get sevgilim…Yollarını gözlərəm,

Evlənərik sağ-salamat dönəndə.

Esmira Günəş

BIR CAVAB BURAXIN

Please enter your comment!
Please enter your name here

one × 2 =