Ermənistandakı Baqramyan hərbi poliqonunda dünən başlayan Rusiya-Ermənistan birgə hərbi təlimləri davam edir.
Mediainfo.az-ın Rusiya mətbuatına istinadən verdiyi xəbərə görə hərbi təlimlərdə quru qoşunları və hərbi hava qüvvələrinə məxsus onlarla hərbi texnika, minlərlə əskər və zabit iştirak edir. Bu gün iki ölkə hərbi qüvvələrinin şərti düşmənə qarşı həyata keçirilən hücum zamanı qarşılıqlı əlaqələrin sınaqdan keçirilməsi nəzərdə tutulub.
Xatırladaq ki, hərbi təlimlərə Ermənistan-Rusiya birgə hərbi qüvvələrinin komandanı general-mayor Tiqran Parvanyan rəhbərlik edir. Hərbi təlimlər oktyabrın 13-nə kimi davam edəcək.
