Erməni ordusunun iki əsgəri öldürüldü

0
575

Ermənistan ordusunda daha iki əsgərin öldürülməsi faktı gizlədilib.

Arazinfo.com Axar.az-aistinadən xəbər verir ki, işğal edilmiş Azərbaycan ərazilərində yerləşdirilən Ermənistan ordusunun hərbi hissələrində daha iki əsgər xidmət yoldaşları tərəfindən öldürülüb.

Belə ki, hərbi qulluqçular Vladimir Melkonyan və Vartan Xaçatryanın valideynlərinə övladlarının düşmən tərəfindən döyüş mövqeyində öldürüldüyü barədə yalan məlumat verilib. Sonradan araşdırma nəticəsində Qaboyan soyadlı şəxs şahid qismində dindirilib və onun sözlərindən məlum olub ki, hər iki hərbçi zirehli gödəkçədə olublar.

Lakin baxış zamanı ölənlərin hər ikisinin zirehli gödəkçəsinin zədəsiz və deşiksiz olduğu aşkar edilib. Bu isə erməni hərbçilərinin düşmən tərəfindən deyil, münaqişə zəminində xidmət yoldaşları tərəfindən öldürüldüyü barədə şübhələrin əsassız olmadığını sübut edir.

Hər iki faktla bağlı qəsdən adam öldürmə maddəsi ilə cinayət işi başlanılıb. Artıq 2 nəfərin həbs edildiyi də məlumdur. Hər iki insidentlə bağlı Ermənistan Müdafiə Nazirliyi heç bir açıqlama verməyib.

Qeyd edək ki, 2017-ci ilin yanvar-oktyabr ayları ərzində rəsmi açıqlamalar görə Ermənistan silahlı qüvvələrində müxtəlif səbəblərdən 54 nəfər ölən və 88 nəfər yaralananan var. Lakin müstəqil mənbələr bu rəqəmilərin 2-3 dəfə çox olduğunu bildirirlər.

BIR CAVAB BURAXIN