Borcun özü yox, faiz və sanksiyalar silinəcək

0
368

Vergi ödəyicilərinin borclarının əsas hissəsinin silinməsi nəzərdə tutulmayıb.

Bunu Vergilər Nazirliyinin Vergi cinayətlərinin təhlili və vergi borclarının alınması işinin təşkili baş idarəsinin rəisi Zeynalabdin Məmmədzadə bildirib.

O, dekabrın 26-sı “Vergi ödəyicilərinin 2017-ci ilin 1 yanvar tarixinə mövcud olan vergi borclarının tənzimlənməsi haqqında ” qanunun izahına həsr edilmiş brifinq keçirib.

Vergi borcları vergilər, faizlər və maliyyə sanksiyalarından ibarətdir.

Z.Məmmədzadə bildirib ki, faiz və maliyyə sanksiyaları üzrə borcların 2 qaydada silinməsi nəzərdə tutulur. Bir dəfəyə və mərhələli şəkildə .

Mövcud maliyyə sanksiyaları üzrə borcların yanvarda 30 faizi ödənildikdə yerdə qalan 70 faizi, yanvar-fevral aylarında 50 faizi ödənildikdə yerdə qalan 50 faizi, yanvar-mart aylarında isə 70 faizi ödənildikdə yerdə qalan 30 faizi silinəcək.

Qanunun müddəaları faiz və maliyyə sanksiyaları üzrə borclarının məcburi ödənilməsi ilə bağlı məhkəmə qərarı qəbul edilmiş hissələrinə də şamil ediləcək.

Qanun 44000-dən çox vergi ödəyicisini əhatə etməlidir. Onların 97 faizdən çoxunun özəl sektorda çalışan sahibkarlar olacağı bildirilir.

BIR CAVAB BURAXIN

Please enter your comment!
Please enter your name here

four × 3 =