Berti Foqtslu derbi, Belçikanın 29 il gözlədiyi oyun

0
652
Generated by IJG JPEG Library


Avropa Liqasının 1/8 final mərhələsinin dünən keçirilən püşkü iki cütdə eyni ölkə təmsilçilərini üz-üzə qoyub.

“Şalke” ilə Mönhenqladbax “Borussiya”sı Almaniya, “Gent”lə “Genk” Belçika duelində üz-üzə gələcək.

1955-ci ildən keçirilən avrokuboklar tarixində indiyədək 110 belə matç baş tutub. Qarşıdakı duellər bu rəqəmi 114-ə çatdıracaq.

110 matçdan 32-si Çempionlar Liqası, 58-i UEFA, 8-i İntertoto, 6-sı Kuboklar kubokuna təsadüf edib. Superkubok uğrunda görüşdə də 6 dəfə eyni ölkə klubları görüşüb.

27 final, 31 yarımfinal matçında belə hal yaşanıb. 1/4 finalda 27, 1/8 finalda 22, 1/16 finalda isə 3 milli derbi qeydə alınıb.

“Borussiya” ilə “Şalke” arasında derbiyədək almaniyalılar 17 matçda həmyerlilərinin savaşını izləyib. Özü də Mönhenqladbax klubu belə matça ölkəsində hamıdan çox – 12 dəfə çıxıb.

1972/73 mövsümündə 1/8 finalda “Köln” (0:0, 5:0), 1/4 finalda “Kayzerslautern”i (2:1, 7:1) mübarizədən kənarlaşdıran “Borussiya” yarımfinalda 2 il sonra yarımfinalda yenə “Köln”ün dərsini verib – 3:1, 1:0. 1978/79 mövsümündə yarımfinalda “Duysburq”la yolları kəsişən komanda yenə üstün olub – 2:2, 4:1. Bütün bunlar Azərbaycan millisinin sabiq baş məşqçisi Berti Foqtsun futbolçuluğu dövrünə təsadüf edib və onun komandası 1975 və 1979-cu ildə UEFA kubokuna yiyələnib.

1979/80 mövsümündə yarımfinalda “Ştutqart”ı üstələyən (1:2, 2:0) mönhenqladbaxlılar finalda Frankfurt “Ayntraxt”ına səfər qolu ilə uduzub – 3:2, 0:1. “Borussiya”nın 12 belə matçının hamısı UEFA kubokunda keçirilib.

Bu klubun rəqibi olan “Şalke” də, Belçika təmsilçiləri “Gent”lə “Genk” də ilk dəfə həmyerlilərini avrokubokda sınağa çəkəcək. Ümumiyyətlə isə belçikalıların yalnız bir dueli olub. 1988/89 mövsümündə Kuboklar kubokunda “Anderlext”lə “Mexelen” görüşüb. Sonuncular 1/8 finalın hər iki matçında qələbə əldə edib – 1:0, 2:0. Bir sözlə, Belçika dueli sonuncu dəfə 29 il öncə – 1988-ci ildə keçirilib.

Qeyd edək ki, avrokuboklarda daha çox – 42 dəfə ispaniyalılar qarşılaşıb. İngiltərədə 19, Almaniyada 17, İtaliyada 17 derbi izlənib. Digər 9 ölkə isə yalnız bir neçə dəfə belə duelə şahid olub.APA,az

 

BIR CAVAB BURAXIN