Kult.az-ın “Bir zamanlar Təbrizdə…” adlı layihəsində təqdim ediləcək növbəti musiqi “Qızıl gülümün rəngi niyə saraldı?” adlanır.

Mahnı qədim Təbriz mahnılarından biridir. “Qızıl gülümün rəngi niyə saraldı?” mahnısının ifaçısı Telman Təbrizidir. O, Təbrizin Əhrab küçəsində doğulub. 10 il bundan əvvəl vəfat edib. Onun ifa etdiyi bütün mahnılar böyük rəğbətlə qarşılanıb. Ən çox sevilən mahnısı isə “Aman, ovçu”dur. Onun mahnıları Təbrizdə “Hissiyatlı mahnılar” adlandırılıb.

Qeyd edək ki, Azərbaycanın məşhur müğənnisi Baloğlan Əşrəfovun oxuduğu mahnıların böyük əksəriyyəti Telman Təbrizinin repertuarındandır.