Azərbaycan telekanallarının reklam etdikləri fırıldaqçılar

0
802

Telekanallardan həbsxanaya yollananların sayı heç də az deyil. Yaxud vaxtilə efirdə at oynadanların sonda mahir fırıldaqçı olduğu üzə çıxır.

Bu günlərdə Zaur Baxşəliyevin “BizimləSən” verilişində həkim kimi dəvət edib, xeyirxah insan kimi tanıtdığı doktor Natiq Məhərrəmovun da saxtakar olduğu bəlli olub.

Minval.İnfo-nun əldə etdiyi məlumata görə, saxta, qanunsuz, ginekoloq Natiq Məhərrəmov lazımsız və bahalı dərmanları xəstə insanlara satılmasına kömək edib, bu yolla böyük məbləğdə pul qazanan həkimlərin arasında imiş  tanınmış. O, həbs edilən cinayətkarlarla əlbir olub, onlardan mütəmadi olaraq pul alaraq şirkətin dərmanlarını satdırıb. Onların sonuncu dəfə 1000 manatlıq ödəniş prosesi gizli kamera ilə çəkilib.

Əslində Natiq Məhərrəmov 9 milyonluq ölkəyə “ekspert”, “məşhur ekstrasens”, “tanınmış hüquqşünas” kimi sırınan ilk insan deyil. Artıq dəfələrlə kiminsə maraqları naminə, yaxud özünü reklam etdirmək üçün verilişlərdə ekspert qismində iştirak edən, ümidlə verilişə gələnlərə ağıl öyrədən fırıldaqçılarla qarşılaşmışıq.

Onlardan biri uzun müddət Zaurun da verilişində vəkil kimi iştirak edən Rəna Həsənlinin daha sonra dələduz olduğu məlum olmuşdu. Ölkədən qaçdığı üçün İnterpol xətti ilə axtarışa verilən tanınmış “vəkil” qonaq olduğu tolk-şoularda gənclərə, ailə münaqişəsi yaşayanlara məsləhətlər verib. Qəribədir ki, hazırda özü dələduzluqda ittiham edilən və barəsində beynəlxalq axtarış elan olunmuş vəkil, elə həmin maddə ilə mühakimə edilən ekstrasens İlham Mirzəyevin hüquqlarını müdafiə edib. Belə görünür, dələduz dələduzu qoruyurmuş.

2014-cü ildə dələduzluq ittihamı ilə həbs olunan aparıcı, baxıcı, falçı, ekstrasens, psixologiya üzrə fəlsəfə doktoru İlham Mirzəyev direktoru olduğu “İlhamed” tibb mərkəzində Aynur Əhmədova adlı vətəndaşa cadugərlik yolu ilə yalan vədlər verərək, onun 3000 avro pulunu mənimsəyib. Onun barəsində məhkəmə tərəfindən 4 il 6 ay müddətinə azadlıqdan məhrumetmə cəzası verilsə də, daha sonra bu müddət 1 il azaldılıb və o 2016-cı ildə azadlığa çıxıb.

İlham Mirzəyev ile ilgili görsel sonucu

Bir müddət əvvələ qədər efirlərdə falçı və ekstrasenslərin geniş təbliğatı aparılırdı. Telekanalların reytinq xətrinə reklam etdiyi bu cür işbazların fırıldaqçı olduğu sonda məlum olsa da, artıq yüzlərlə insan dələduzların toruna keçmiş olur.

Məsəl üçün, “ANS” telekanalında tez-tez verilişlərdə qonaq qismində iştirak edən “Cənnət Parapsixologiya Mərkəzi” MMC-nin direktoru, 48 yaşlı Sabir Abbasov dələduzluğa görə həbs edilib.

Özünü “Həzrət Sabir” kimi təqdim edən, falçı deyil parapsixoloq olduğunu deməklə vətəndaşların etibarını qazanan şəxs bundan sui-istifadə edib. Baxıcılıq ilə məşğul olan “Həzrət Sabir”, guya mistik qüvvələrin köməkliyi ilə şər qüvvələrdən təmizləməklə bəxtlərini, yollarını açacağını, işsizlik problemlərinin həllini vəd etməklə onları aldadıb. Belə hüquqazidd əməllərinin müqabilində Sabir Abbasov adıçəkilən mərkəzə müraciət edən şəxslərdən dələduzluq yolu ilə xeyli miqdarda pul alıb.

Sabir Abbasov ile ilgili görsel sonucu

Digər bir fırıldaqçının məşhurlaşmasında yardımçı olan telekanal isə “Lider TV”-dir. Daha çox “İlanla fala baxan” kimi tanınan Tamilla Salamova bir neçə aylıq axtarışdan sonra həbs edilib. 2014-cü ilin noyabr ayında özünü ekstrasens kimi təqdim edən Tamilla Salamova Bakı şəhər sakini Təranə Babayevadan 4200 manat alaraq, ona qarşı dələduzluq edib.

Bu qadın, “Lider” telekanalında yayımlanan “Ekstra Hiss” verilişinin qalibi olub. Ümumiyyətlə o verilişdə, bir çox fırıldaqçı bilici, baxıcı, qeyri-adı qüvvə sahibi kimi təqdim edilib, reklam edilirdi.

Bir müddət öncə də yenə “BizimləSən” verilişində ekspert kimi qonaq olan psixoloq Rafiq Allahverdiyev barədə də qalmaqal yaranıb. “LOQOS” nitq inkişafı mərkəzində çalışan R.Allahverdiyevin aldığı borcu qaytarmadığı bildirilirdi. Ancaq psixoloq heç bir halda ittihamları qəbul etmədiyini deyib.

rafiq allahverdiyev ile ilgili görsel sonucu

Dələduzların efirə ayaq açması sonda həm telekanalın, həm də verilişin yaradıcı komandasının nüfuzuna xələl gətirir. Təbii ki, dələduzları bilmədən ekspert edənlərin nüfuzuna… Yox, əgər aparıcılar da fırıldaqçılarla işbirliyinə girir, onları bilərəkdən reklam edirsə, bu zaman cəmiyyəti çox daha böyük problemlər gözləyir. Bu səbəbdən efirdə reklam edilən şəxslərə inanmaq, güvənmək olmaz.

 

BIR CAVAB BURAXIN