Amaşovdan Əvəz Zeynallının həbsinə – Reaksiya

0
1519

Mətbuat Şurası jurnalist Əvəz Zeynallının həbsi ilə bağlı açıqlama yayıb.

Arazinfo.az  xəbər verir ki, Mətbuat Şurasının sədri Əflatun Amaşov hazırda Şuranın fəaliyyətində gərgin dövr olduğunu bildirib.

“Tezliklə qurultay olacaq. Bu, bizim jurnalistlərlə bağlı taleyüklü məsələləri arxa plana keçirməyimizə əsas vermir.

Azərbaycan Mətbuat Şurası tutduğu əməldən, ona qarşı irəli sürülmüş ittihamdan asılı olmayaraq, jurnalist həbsindən həmişə narahatdır. O cümlədən “Xural” qəzetinin baş redaktoru Əvəz Zeynallının həbsindən də narahatıq. Arzu edərdik ki, Əvəz bəy azadlığına qovuşsun.

Mətbuat Şurası olaraq məsələnin hüquqi tərəflərini mübahisələndirməkdən də uzağıq. Azərbaycan hüquq sisteminin ədalətinə sığınaraq məsələni diqqətdə saxlayırıq. Məsələ isə kifayət qədər həssasdır. İnanıram ki, ona ədalət prizmasından yanaşılacaqdır. Allah Əvəz Zeynallının qapısını açsın”, – deyə o qeyd edib.