Sıralarımızdan getsə də qəlbimizdən getmədi…

0
488

Sentyabrın  21-də “Beynəlxalq Əlillər Cəmiyyəti” İB İdarə Heyətinin fəal üzvü,  yazıçı-publisist, Azərbaycan Yazıçılar Birliyinin üzvü, Prezident mükafatçısı, “Qızıl qələm”, “Vətən”, “Yaddaş”mükafatları laureatı, Türk ədəbiyyatına xidmət ödüllü, BMT-nin Avropa ordenli Məmmədli Rasim Qulu oğlunun (Rasim Gənzəli) rəhmətə getməsinin 40 günü tamam olur. Rasim Gənzəli cismən bizim aramızda olmasa da, ruhən, mənən bizimlədir. O, təkcə öz doğmalarının sırasından getmədi, həm də “Beynəlxalq Əlillər Cəmiyyəti”nin və türk dünyasının sıralarından getdi.

 Rasim müəllim kimi insanlar ana dilimizin qorunmasında indiki dövrdə yeganə şəxslərdən biri idi. Bir haşiyə çıxım: nazirliklərin birinin əməkdaşı tərəfindən ana dilimizə qarşı böyük hörmətsizlik olmuşdu. Ana dilimizin, türkçülüyün qorunmasında sanki vətənin keşiyində dayanan bir əsgər olan Rasim müəllim həmin anda da bununla bağlı sosial şəbəkələrdə öz sözünü dedi.

  Onun həyatdan getməsi öz doğmalarını ağrıtdığı kimi Rasimsevərləri də ağrıdır.

  Allah sənə rəhmət eləsin, qəbrin nurla dolsun, Rasim müəllim!

 

“Beynəlxalq Əlillər Cəmiyyəti” İB-in İdarə Heyəti

17 sentyabr 2018-ci il

 

BIR CAVAB BURAXIN