Piontkovskidən şok: Rusiya 5 ölkəyə hücuma hazırlaşır

0
37

Federal Məclisə illik müraciəti zamanı Rusiya Prezidenti Vladimir Putin prezidentlik müddətinin sayının məhdudlaşdırılmasıyla bağlı konstitusiya düzəlişini təklif etdi ki, xalqın razılığı ilə ömürlük hakim mandatını qazana və Ukrayna, Belarus, eləcə də Baltikyanı ölkələrə hücumu başlada bilsin.

Axar.az xəbər verir ki, bunu “Qordon” saytına açıqlamasında rusiyalı politoloq Andrey Piontkovski deyib.

“Mən Rusiya KİV-lərinin hadisəni niyə belə qızğın şəkildə müzakirə etməsinə təəccüblənirəm. Putin yekun olaraq bəyan etdi ki, o, Rusiyanın ömürlük hökmdarı olacaq. Onun vəzifəsinin prezident, baş katib və ya başqa nəsə adlandırılacağı vacib deyil. Vacib olan onun bəyanatıdır. Onsuz da əhalinin əksəriyyəti onun heç yerə getməyəcəyini bilirdi. Başqa vacib məqam bu qədər tələskənliyinin nəyə lazım olmasıyla bağlıdır. 2024-cü ilə qədər o, qanuni prezidentdir və bu vaxta qədər yaşamaq lazımdır. Nəyə görə həyəcan yaradılıb? Mən elə gəlir ki, onun üçün referendum bir növ ümumxalq razılığı kimi bir şeydir. Putin özünün hazırladağı xarici siyasət avantüralarını gerçəkləşdirəcəyi zaman məhz buna istinad edəcək. Bu avantüralarını isə o, Moskvadakı 9 May tədbirlərindən sonraya saxlayıb”, – deyə o bildirib.

Piontkovski Putinin Ukrayna Prezidenti Vladimir Zelenski və Belarus Prezidenti Aleksandr Lukaşenkoya təzyiqlərini gücləndirəcəyini bildirib:

“Angela Merkelin Moskva səfəri ağır təəssürat yaratdı. Normand formatında artıq 3 ölkə birinə qarşıdır. Putin eskalasiyaya gedəcək”.