“Rusiyanın Azərbaycanla münasibətləri müttəfiqlərin münasibətləri deyil, biz bunu strateji əməkdaşlıq kimi xarakterizə edirik”.
Publika.az Ermənistanın “news.am” saytına istinadən xəbər verir ki, bunu Moskvada erməni jurnalistlərlə söhbətindədə Rusiya Xarici İşlər Nazirliyinin MDB ölkələri üzrə IV Departamentinin direktoru Aleksey Pavlovskiy deyib.
“Hər iki söz tamamilə aydındır. Obyektiv amillər Rusiya-Azərbaycan münasibətlərinin əsasını təşkil edir: coğrafi yaxınlıq, iqtisadi əlaqələr və Rusiyada böyük Azərbaycan diasporasının mövcudluğu. Biz bunları strateji əməkdaşlıq adlandırırıq. Ermənistandan fərqli olaraq Azərbaycan Rusiyanın müttəfiqi deyil. Bizim Ermənistanla hərbi-siyasi ittifaqimız və hərbi də daxil olmaqla qarşılıqlı yardım üzrə bir sıra müqavilələrimiz var”, – deyə Pavlovskiy qeyd edib.
Diplomatın sözlərinə görə, Rusiyanın Ermənistan və Azərbaycanla münasibətlərə bərabər səviyyədə baxdığını demək tamamilə düzgün deyil.
