“Maps.Me”naviqasiya proqramı bu dəfə Tovuzu erməniıəşdirdi

0
356

 

Azərbaycanda pulsuz versiyası olduğu üçün bir çoxları tərəfindən istifadə edilən naviqasiya proqramı “Maps.Me”də ciddi qüsurlar aşkarlarıb. Belə ki, proqramda “redaktə” funksyası olduğu üçün bir çox hallarda xoşagəlməz hallarla qarşılaşmaq mümkündür. Məsələn, elə təqdim etdiyimiz fotodan da gördüyünüz ki, Tovuz rayonun mərkəzi küçələrindən birinə erməni qatil Monte Merkoryanın adı yazılıb. Yaxud fərdi şəxs hansısa obyekti öz evi kimi göstərib və. S

Bəs görəsən bu cür proqramları istifadə etmək olarmı? Bizi hansı çətinliklər qarrşısında qoya bilər?

“CaspianNavtel” şirkətinin rəhbəri Rizvan Cəfərov Avtosfer.az-a bildirib ki, sözügedən məsələdən xəbərdardır. “Bir neçə gün öncə şirkətimizin əməkdaşları müxtəlif xəritələrdə yeniləmələrin hansı formada olduğunu yoxlayırdılar. Bu barədə məlumat verdilər. Ümumiyyətlə bu cür ucuz, bəzən də pulsuz olaraq insanların istifadəsinə verilən proqramlardan istifadə etmək olmaz. Bu həm sizə doğru olmayan xətirəni verəcək, həm də burada təhlükəsizlik məsələsi ortaya çıxır.”

R. Cəfərov bildirib ki, konkret olaraq “Maps.Me” “redaktə” funksyasını əlavə etməklə əslində bir çox hallarda ciddi fəsadlara yol açır. “Təsəvvür edin ki, bir erməni daxil olub Azərbayvandakı küçələrin, yerlərin adını dəyişir. Yaxud da kimsə ölkə üçün strateji əhəmiyyətli obyektin dəqiq ünvanını ora əlavə edir və s. Odur ki, tövsiyə edərdim ki, bu cür proqramlardan istifadə etməsinlər.”

Qeyd edək ki, Rusiya tərəfindən yaradılan bu proqram daha çox MDB və yaxın şərq ölkələri (Rusiyaya yaxın) üçün xəritələri hazırlayıb.

Avtosfer.az

BIR CAVAB BURAXIN

Please enter your comment!
Please enter your name here

eight + 14 =