Madagiz polkunda dava: ermənistanlılarla qarabağlılar dalaşdı, yaralılar var

0
269
 

Ermənistan silahlı qüvvələrinin Madagiz yaşayış məntəqəsində yerləşən hərbi hissələrindən birində Qarabağdan və Ermənistandan hərbi xidmətə çağırılan hərbi qulluqçular arasında növbəti münaqişə baş verib.

Bu barədə Ermənistan silahlı qüvvələrinin Dağlıq Qarabağdakı işğalçı bölmələrindən birində xidmət edən hərbi qulluqçunun anası Liana Şahramanyan adlı erməni sosial şəbəkə istifadəçisi öz feysbuk səhifəsində paylaşıb.

Məlum olub ki, Yerevan hərbi komissarlığından hərbi xidmətə çağırılmış 1994-cü il təvəllüdlü Vanand Xaçaturyan və 1996-cı il təvəllüdlü Erik Harutunyan Qarabağdan olan hərbi qulluqçular tərəfindən döyüldükdən sonra ağır vəziyyətdə hərbi hospitala yerləşdiriliblər.

Bundan əlavə, məhz Ermənistan və Qarabağ erməniləri arasındakı münaqişə zəmində Hadrutda yerləşən hərbi hissələrdən birində əslən Ermənistandan olan zabit tabeliyindəki əmrləri icra etmədiyi üçün yerli sakin, müqavilə əsasında xidmət keçən kiçik çavuşu fiziki işgəncəyə məruz qoyub. Baş verən hadisələrin yerində araşdırılması məqsədilə polkovnik V.Şakaryanın rəhbərliyi ilə komissiya ön xəttə gəlib.

Xatırladaq ki, bundan əvvəl Madagiz polkunda erməni zabit əsgəri özünə qəbir qazmağa məcbur edib, əsgər isə ona avtomatdan atəş açaraq yaralayıb.

Virtualaz.org

BIR CAVAB BURAXIN

Please enter your comment!
Please enter your name here

fifteen − fifteen =