Biznes və siyasət: bunlar mütənasibdirlər?

0
141

Bir çox insanlar iş adamlarının siyasətdən uzaq durmağını daha məqsədəuyğun olduğunu düşünürlər. Guya ki, böyük pul dünyası siyasətin yüksək standartlarına uyğun gəlməyən qaydalarını ona tətbiq edir. Bu ifadə ilə qəti şəkildə razı deyiləm!

Böyük bizneslə məşğul olan insanlar siyasətdə necə faydalı ola bilər?

– Pozitiv düşüncə. Bir çox məmurlər, heç də mükəmməl olmayan mövcud qaydalar və normalar çərçivəsində düşünürlər. Beləliklə, əslində düzgün qərar onun qəbul edilməsi üçün rəsmi əsasların olmaması səbəbindən qəbul edilmir. Bir iş adamı fərqli düşünür: onun qarşısında bir problem yarandıqda, bunun qarşısını almaq üçün rəsmi bəhanələr deyil, onun həlli yollarını axtarır.

– Vəziyyətə tez reaksiya vermək bacarığı. Dəyişən vəziyyətə həmişə ilk reaksiyanı verən biznesdir, çünki itirilən hər dəqiqə ciddi itkilərə səbəb ola bilər.

– Sosial məsuliyyət. Köhnə dövrlərdə mənfəət üçün yaradılan biznes tədricən keçmişdə qalır. Müasir biznes sosial məsuliyyət daşıyır, iş yerləri yaratmaq, infrastrukturu yaxşılaşdırmaq və köməyə ehtiyacı olanlara kömək etmək üçün hazırlanmışdır. Mən məhz belə bir ictimai məsuliyyətli biznesdə həmişə çalışmışam.

Mən həm dövlət idarəçiliyi sahəsində, həm də özəl biznesdə işləmişəm. Buna görə müqayisə edə bilərəm. Hər bir işin özünəməxsus xüsusiyyətləri var: dövlət idarəetməsi – hərtərəfli və strateji bir yanaşma tələb edir. Özəl sahədə çalışmaq – yaranan problemlərə cəld reaksiya vermək və riskləri daima yenidən qiymətləndirməkdir. Əminəm ki, həm dövlət məmuru kimi yığdığım təcrübə, həm də özəl sahədəki fəaliyyətim Suraxanı rayonunun maraqlarının Azərbaycan Milli Məclisində ən yaxşı şəkildə təmsil olunmasına təkan verəcəkdir.

Deputat məmur deyil. Deputat həyat təcrübəsini və doğma yurdunun və dövlətinin xeyrinə müsbət dəyişikliklər arzusunu özündə cəmləşdirən bir insandır. Əminəm ki, Suraxanı rayonundan olan Azərbaycan Milli Məclisinin deputatı belə olmalıdır. Bu şərəf mənə həvalə edilsə, seçicilərin etimadını doğrultmaq üçün əlimdən gələni etməyə çalışacağam, iş həyatımda və dövlət qulluğunda illər boyu qazandığım bütün bacarıqları Suraxanı rayonu sakinlərinin və doğma Azərbaycanın rifahı üçün tətbiq edəcəyəm!

Arazinfo.com