Allahşükür Paşazadə Xamneyini təqlid etməklə məşğuldur – QMİ-nə sərt tənqid

0
587

Qafqaz Müsəlmanları İdarəsinin (QMİ) fətvasına əsasən ölkədə orucluq 7 iyunda başladı. Lakin bəzi inanclı insanlar artıq ötən gündən oruc tutmağa başlayıblar. Onlar bunu onunla izah edirlər ki, QMİ İran təqvimi ilə fətva verir.

Dindar siyasətçi, Azərbaycan Demokrat Partiyasının (ADP) sədri Sərdar Cəlaloğlu məsələ ilə bağlı Modern.az-a açıqlama verib.

Serdar CelalogluOnun sözlərinə görə, QMİ-nin qərarı siyasi motivlərə söykənir: “Bu, siyasi addımdır. Açıq şəkildə Türkiyəni Azərbaycandan ayırmaq üçün verilən bir fətvadır. Buna görə də, dini ayinlərin icrasında ikitirəlik yaradırlar. İki xalqın ən müqəddəs ayinlərinin fərqli-fərqli vaxtlarda icra etməsinə şərait yaratmağa çalışırlar. Mən dünəndən oruc tutmuşam”.

Sərdar Cəlaloğlunun sözlərinə görə, Quranda yalnız oruc tutmaq buyurulub: “Quranda bu barədə yazılıb. Daha mollaların fətvasına ehtiyac yoxdur”.

İlahiyyatçı Elşad Miri də hesab edir ki, QMİ müsəlman dünyasını deyil, İranın dini xəttini əlində bayraq edir.

скачанные файлыOnun fikrincə, QMİ sədri Allahşükür Paşazadə İranın ali dini lideri Seyid Əli Xamneyini təqlid etməklə məşğuldur: “Bütün İslam dünyası eyni vaxtda orucluğa başladığı təqdirdə, İran başqa bir vaxt seçir. Təəssüf ki, bununla da Ramazan ayının mahiyyəti bir kənarda qalır. Qafqaz Müsəlmanları İdarəsinin açıqladığı tarix insanlar arasında da çaşqınlıq yaradır”.

BIR CAVAB BURAXIN