Ağdam sakini iti güllələmək istədi, özü öldü

0
580

Ağdam rayonunda dəhşətli hadisə baş verib.

Lent.az-ın məlumatına görə, dünən gecə Xındırıstan kəndində 1972-ci il təvəllüdlü İsmayılov Tofiq Kamal oğlu kustar üsulla düzəltdiyi silahla atəş açarkən özünə xəsarət yetirib.

O, hadisə yerindəcə vəfat edib.

Bildirilir ki, 45 yaşlı T.İsmayılov dünən axşam saatlarında yaşadığı evin həyətinə it girdiyini görüb. O, həyətə düşərək özünün kustar üsulla hazırladığı və tüfəngə bənzəyən silahla iti vurmaq istəyib. Bu zaman silahın çaxmağı çıxaraq onun sağ gözünü parçalayıb. Baş beynindən ağır xəsarət alan T.İsmayılov hadisə yerindəcə ölüb.

Ailə üzvləri bildiriblər ki, T.İsmayılov həyətə düşəndən bir qədər sonra partlayış səsi eşidiblər. Onlar həyətə düşüb Tofiqi axtarıblar və təxminən 2 saat sonra onun meyitini tapıblar.

Faktla bağlı araşdırmalar davam etdirilir.

BIR CAVAB BURAXIN